Инфективна клиника

Амбулантскиот дел се состои од приемен дел, чекална, две консултативно-специјалитички амбуланти и шест субспецијалистички амбуланти, а опфаќа и кабинетска работа. Преку работата на овие единици се овозможува квалитетна и брза дијагностика и адекватен третман на секојдневно голем број пациенти со што се обезбедува високо квалитетна здравствена услуга.

Болничкиот дел  на Клиниката располага со 65 болнички соби, со капацитет од 129 болнички кревети. Сите соби имаат природна светлина и се опремени со посебен тоалет и туш кабина.

Стационарниот дел на Клиниката е сместен на четири ката, поделен според патологија на оддели. Секој оддел е поделен на два отсека. Со одделите раководат шефовите на оддели, при што на секој оддел има по два лекари на отсек.

Универзитетската клиниката за Инфективни болести и фебрилни состојби е единствена академска установа во Р.С. Македонија, која спроведува едукација по предметот Инфектологија за студентите по медицина и стоматологија. Катедрата ја раководи, планира и ја спроведува наставната програма по предметот Инфектологија за студенти и специјализанти. Катедрата овозможува и континуирано следење на најновите научни достигнувања преку организирање на стручни предавања, секциски состаноци и семинари, тренинг курсеви, конгреси, публикување стручни трудови, организирање посети од експерти како и учество на меѓународни средби.