НАУЧНО-НАСТАВНА ДЕЈНОСТ
Клиниката за Инфективни болести е единствена
академска установа во Р. Македонија, која спроведува едукација по предметот
Инфектологија за студентите по медицина и стоматологија.
Првите предавања по заразни болести се
одржани во 1950 година од страна на проф. д-р А. Игњатовски, од Клиниката
за интерни заболувања. Во периодот 1952-1954 г наставата по инфективни
болести ја води хонорарниот наставник доц. д-р М. Николиќ, по кога следат
доц. д-р Х. Манчев (1955/56), доц.д-р Д. Арсов (1957 г).
Во 1960 година од Медицинскиот факултет
за шеф на Катедра по Инфектологија е назначен проф. д-р Саво Миронски,
по кога следи проф. д-р Илија Трајков во периодот од 1986 до 1987 година.
Од 1987 година шеф на Катедрата е проф.д-р
Климент Каровски сî до 2002 година,
кога функцијата ја превзема проф. д-р Љубомир Ивановски кој е и актуелен
шеф на Катедрата по Инфектологија.
Катедрата ја раководи, планира и ја спроведува
наставната програма по предметот Инфектологија за студенти и специјализанти.
Катедрата овозможува и континуирано следење на најновите научни достигнувања
преку организирање на стручни предавања, секциски состаноци и семинари,
тренинг курсеви, конгреси, публикување стручни трудови, организирање посети
од експерти како и учество на меѓународни средби.
Конгресите, стручните предавања, секциските
состаноци и семинари, тренинг курсевите како и останатите активности на
Катедрата се акредитирани од страна на Лекарската комора на Македонија
во системот на КМЕ (континуирана медицинска едукација).
Благодарение на активноста на членовите
на Катедрата, веќе е во примена работењето согласно ЕБМ (медицина базирана
на докази), чекор поблиску до современите стандарди и достигнувања на
западната медицина.
Преку континуирано спроведување на клинички
и епидемиолошки студии, Клиниката се издигнува како врвна научна институција
која дава голем придонес во развојот на научната дејност во Македонија
и воопшто.
Наставниот кадар на катедрата по инфектологија се состои од:
- 2 редовни професори
- 2 вонредни професори
- 2 доценти
- 2 асистенти
- 4 помлади асистенти
Научни звања
- 8 доктори на медицински науки
- 5 магистри на медицински науки
- 1 магистар на биолошки науки
Техничко-административен дел
- капацитети за едукација
- амфитеатар
- библиотека
- компјутерски центар
Во 1962 година формирана е Секцијата на инфектолозите при
МЛД со седиште на Клиниката, која во 1993 година, прерасна во Здружение
на инфектолозите на Македонија – ЗИМ. Денеска Здружението
брои 106 членови.
Досегашни претседатели наЗдружението на инфектолозите на Македонија биле:
- проф д-р Звонко Миленковиќ, 1994-1999
год.
- проф д-р Љубомир Ивановски 1999-2004 год.
- проф.д-р Виолета Груневска 2004 год. ~
|
