Клиника за инфективни болести

	ЈЗУ "Клиника за инфективни болести и фебрилни состојби" Скопје	Адреса Водњанска 17, 1000 Скопје, Р. Македонија тел. +389 (0)2 3228 224; факс. +389 (0)2 3228 224 e-mail: info@infektivnaklinika.mk

Со формирање на Медицинскиот Факултет во Скопје во 1947 година формирани се и првите клиники и институти, меѓу кои и Клиниката за Инфективни болести. Клиниката е единствена која спроведува терцијарна здравствена заштита за инфективните заболувања во Република Македонија.

Клиниката за Инфективни болести е врвна медицинска установа која обезбедува високо стручна и квалитетна здравствена заштита и третман на пациенти според воспоставени стандарди и доктринарни ставови. Големиот број на пациенти, достапните дијагностички и тераписки можности се одраз на успехот и квалитетот на здравствените услуги што ги дава Клиниката, но и предизвик за континуирано понатамошно унапредување. Следењето и применувањето на сите нови методи и процедури во медицината, континуираната стручна едукација на вработените, како и следење и набавка на нова, технолошки најсовремена медицинска апаратура и опрема претставува императив за одржување на постоечкиот, изграден рејтинг на установата.

Лоцирана е во непосредна близина на центарот на градот, со адекватен пристап за пациентите. Клиниката е изградена како четирикатен објект со корисна болничка површина од 6.481м².

Види повеќе на>> CLINIC FOR INFECTIOUS DISEASES.ppd (2.886 KB)